Best of 2014
السلام عليكم
كل سنه و احنا بخير ان شاء و ان شاء الله سنه 2015 تكون احلى و احلى لنا كلنا
بما اننا خلصنا 2014 ! فحبيت انزل مفضلاتي للهذي السنه بعض الاشياء عندي اياها من فتره بعضها
لها فتره قصيره عندي لاكن صارت من مفضلاتي و برضو معها مفضلاتي لشهر ديسمبر خليتهم كلهم ببوست
واحد احس احسن
يالله نبدا بالبوست !
باليت الكنتور من انستازيا
باليت ايشدو من لوراك برو
الكنتور كيت من انستازيا !!
باليت مرا حلو و انصح فيه بشكل سواء مبتدئه لك فتره تسافرين كثير
عن نفسي احسه مرا مرا مفيد عندك 3 انواع كنتور وبنانا بودير لتثبيت الكونسيلر
و درجتين هايلايت
بهذي الباليت عن نفسي اختصرت اشياء و من شريتها ماعاد تركتها و صارت لازم من روتيني للمكياج
الباليت الثاني كان من مشترياتي من وسطاء العطور كتبت عنه بوست هنا
مرا حبيت هذي الباليت و مره متحسفه اني طولت على ما اشتريها صراحه
فيها الوان المات و الشيمر و الوانها حلوه و بيقمنت مرا !! احس اقدر اسوي فيها looks مرا كثير
نجي للوجه
اول شي الكونسيلر من ماك Studio finish مرا احبه و من الاشياء الي اول ماتخلص بشتريها !
هو شوي ثقيل و استعمله اذا كنت ابي لوك عادي او اذا كنت تعبانه مانمت زين و بشكل طبيعي مرا حلو
الشي الوحيد الي ماحبه فيه لاحضت انه يخطط بجفن العين
بعدها البيبي كريم من ذا بودي شوب
مرا مرا احبه بعطي الوجه اشراق و طبيعي جدا يعني كانها بشرتك من نفسها صافيه خفيف فيله واقي شمس
دايم دايم استعمله اذا كنت رايحه جمعه عزيمه او شي كذا
الفاونديشن من ماك هو اول فاونديشن جربته انا مابديت استعمل الفاونديشن يمكن بدايه نص السنه
مرا احبه على انه شفت عليه ذم بس بالعكس نفس لون بشرتي الفنش حقه مرا حلو و احس انه ممكن على طبيعي شوي
بعدها فاونديشن ستيك من مايبلين مرا مرا احبه للكونتور مستحيل احط فل ميك اب ولا استعمله
مرا حلو يندمج بسهوله و لا يسيح معي يقى ثابت
و اخر شي كونسيلر مايبلين مرا احبه للعزايم الكبيره و الزواجات يعطي اضاءه حلوه للوجه و اثبته بالبنانا بودير من انستازيا
للعين و الحواجب
اول شي الي هو ايلانير بنيفت مرا حلوه و سواده جدا جميل بسبب فرشته تصير رسمتك للعين حلوه
سويت عنه ريفيو هنا
احب استعمله لاكن بالفتره الاخيره صايره ماميل له زي اول لانه ينشف بسرعه يعني لازم اظبط الرسمه بسرعه
لاكن يضل مرا حلو
الايلانير الثاني من مايبلين مرا معروف بسواده حلو مرا و هو الي الفتره الاخيره دايم ارسم الايلانير حقي فيه
ينشف بسرعه لاكن اقدر اتحكم فيه و مو بسرعه زي حق بينفت
بالنسبه لي افضل الايلانير الي على جل اكثر من الكريميه او الي تعطيك لمعه لاكن ستل استعملها
نجي للحواجب
اول منتج الي هو جل من ماك اخذت درجه dipdawn هو الجيل الي كنت استعمله قبل انستازيا
مرا حلو مقاوم للمويه و لا يتلطخ بسرعه ممكن شوي بس مو الدرجه الي تبان صح ماصرت اميل له كثير
لاكن يبقى جميل و يعتبر لي البديل لحق انستازيا
نجي لجل انستازيا هو الي الحين استعمله كل يوم نفسه نفس حق ماك لاكن احسه احسن بشوي من ماك
من ناحيه انه مايجف معاي بسرعه و لا يعطيك لوك قاسي حلو للي فيهم فراغات بالحواجب
و اخر شي الي هو الـ Brow wiz انا عن نفسي بالبدايه كنت احس مايناسبني الا الجل لان فيلها شويه فرغات حواجبي
لاكن حبيته من اول استعمال اول شي لاحضت ان مهما ضغطت على القلم تبقى الرسمه طبيعيه و لا هي قاسيه ابد
اقدر اتحكم فيه و لاحضت ان حواجبي اكثرت بعد استعمالي له للامانه ! لان فيله فرشه
الشي الوحيد الي ماحبيته فيه انه يخلص بسرعه و اضطر اني اطلبه اون لاين لاكن على الاشياء الي يعطيني اياها ابدا ما امانع اني كل شوي اطلب منه
انا هذي السنه الي طحت بالبلشيرز و الهايلايت
احلى هايلايت عندي Mary lou-manizer من the balm
مرا بيقمنت ! و يبان على طول باودر بس مايتنثر
البلشر الي احس مهما يخلص رح ارجع اشتريه الي هو
wanderlust من الف لونه جميل جميل جميل
ينفع مع كل شي احسه صباح ليل
يعني تقريبا الى الان لو بس لي اني اختار بلشر واحد بيكون هو
اول شي ارواج سيفورا !!
ماشوف عليها مدح كثير لاكن مرا احبها بشكل الوانها حلوه و تبقى معاك
الليكود لبستيك من سيفورا درجته 04 !! هوس هوس عليه بالفتره الاخيره و صايره ماحط الا هو
و ارواج مايبلين مرا احبها الوانهم حلوه مرا و كثيره و متنوعه بالنسبه للدرق ستور امدحها كثير و تقريبا
هي التوب درق ستور براند الي احبها
نجي للفرش
احسه للعيون كمبتدئه ! انصح بمجموعه سيقما هي الي استعملها بس لعيني و استفدت منهم كلهم و
احسها من الاشياء الاساسيه الي تاخذيها و تبقى معك
فرشه الكابوكي من الف ! احب استعملها اخر شي اسوي بليند لوجهي عشان مايكون فيه خطوط قاسيه
فرشه الف flawless concealer هي الي استعملها لتحديد الكونتور و احسها حلو بالنسبه للدرق ستور
لاكن صناعتها مو مره جيده قبل كم يوم انفكت الفرشه من العصى و لازم اصمغها
اخر شي الي هي فرشه ريل تكنيك للبشير استعملها لاشياء كثيره
للبرونز البلشر تقدرين للباودير بعد
المناكيرات
احب حقون H&M هي اكثر المناكيرات الي عندي احب الوانها و تبقى معاك ما تتقشر بسرعه
ومناكير OPI الوانها بيقمنت و تحسينها على ثقيله يطلع اللون من اول مرا
نجي للسكين كير
الشور جل من bath & body
ينظف مرا و له ريحه حلوه ماتبقى كثير بس هو الي دايم استعمله
كريم الوجهه من كلينيك احب استعمله بعد ماغسل وجهي قبل الميك اب
تمتصه البشره بسرعه و يصير ناعم
منظف و التونير حق بايوديرما من اخذت ماعاد صرت احب او اميل لمسحات المكياج ينظف البشره صدق من
المكياج او الاوصاخ و احلى شي و انتي تمررينه على بشرتك تحسينه مويه
كريم الرجل من ذا بودي شوب مرا احبه يرطب الرجل و يخليها بارده
زبده الكاكاو من ذا بودي شوب الي حومت كبدكم فيها اكيد بتكون من مفضلاتي
تبقى في الجسم ليومين و ترطيبها عالي و ريحتها حلوه
فرشه اولاي للوجه هي اول وحده اشتريها لاكنها تنظف البشره و ماهي قويه عليها اشيل فيها مكياجي
تشيله لاكن احس شوي يبقى مكياج ستل اشيله بالبايوديرما
مسحات الترطيب من الف
كميه المنتج في المسحه الوحده مرا كثير ! يرطب لك كل بشرتك اول شي تحسينها دهنيه مرا لاكن شوي
و يمتصه و يبقى الترطيب
اخر شي مرطب الشفايف من EOS احلى شي طعمه و ترطيبه حلو و ماحسه مرا يجفف شفايفي بعد مايروح
فير جوسي ابير !!
هو الي دايم استعمله لشعري دايم يبقى شعري متماسك يومين ! و يحافظ على تصفيف الشعر و يعطي لمعه و يبين الشعر كثييف
فيله فوليم
اخر شي الي هو كتاب فن التصوير الضوئي !!!
اقدر اقول لولاه ماعرفت اصور زي التصوير الي الحين اصوره !
فادني بشكل كثثير في اختيار العدسه في التصوير الاضاءات الايزو و اشياء كثير
و اخيرا خلصت البوست ادري كثثييير مرا لانها مفضلاتي لكل السنه
ان شاء الله تكونون استمتعتو لا تنسون تسون فولو بالانستقرام
@irahaf_alg
bye bye
ليست هناك تعليقات:
إرسال تعليق