Carli bybel BH palette | باليت بي اتش بالتعاون مع كارلي بايبل 

السلام عليكم بنات كيفكم اخبارك ؟ 

تدوينه اليوم بتكون ريفيو عن باليت كاربي بايبل بالتعاون مع بي اتش 

عن نفسي هذي اول مرا اجرب ايت منتج من بي اتش 

و ان شاء الله مايكون الاخير ؟ لو تعرفون منتجات حابيني اجربها قولي لي في الكومنت هنا او على الانستقرام 

نبدا بالريفيو ؟ 


طبعا الباليت فيه ١٠ ايشدوز 

٥ مات ايشدوز 
٥ شيمر ايشدوز 

بالنسبه للألوان فألوان الباليت جدا جميله و كلها تتدرج مع بعض ماحس فيها لون مفروض ماكان موجود 

و حبيت ان الباليت هذي مافيها اسود لكن بداله في لون زيتي على بني غامق احس تغير حلو 

اكثر الوان حبيتها اخر ثلاث الوان من اليمين بالصف العلوي 

هذي الباليت احب استعملها اذا ماعندي لوك معين او ماعرف ايش اسوي على طول استعملها 

شي ثاني احب استعملها لكل يوم برضو احسها مناسبه 

بالنسبه لتركيبتها فتركيبتها حلوه تعتبر صبغتها عاليه ماتطير بعد فتره الالوان الشيمر جميله بس 
احسني اروح على الالوان المات اكثر 



ثاني شي فيه الباليت و حسيته تميز بهذا الشي 

الي هو درجات الهايلايتس الاربعه الي فيه 

طبعا الهايلايتس تقدرين تستعملينهم كهلايلايترز او ايشدوز و نفسها للايشدوز 

حبيت الوان الهايلايتس من افتح الى اغمق 

عن نفسي ماجربتهم كثير لكن حبيت الدرجه الي قبل الاخيره من الغامقه 

صراحه تجنن!! على ذهبي صريح تعتبر ماحسيتها مرا غامقه علي لكن احب احط قبلها 

هايلايت ويسب من كولوربوب و يطلع !! ايشي خورافه حرفيا لو حابه هايلايتك يكون قوي جربي تستعملين هايلايت كريمي قبل 

بالنسبه لتركيبتهم حلوه تعتبر لمعه لكن مو قلتري و قويه جدا تجيك على الميتالك اكثر ممكن تقولون 

صبغتها قويه و عاليه تعتبر مايحتاج تحطين اكثر من مرا عشان يبان اللون 



وبس هذا كان ريفيو اليوم عن باليت كارلي بايبل ان شاء الله يكون عجبكم الريفيو 
و تكونون استفدتو منه 

لو جربتي باليت كارلي ايش رايك فيها و ايش اكثر شي حبيتيه فيها ؟ اكتبولي اياها هنا بالكومنت 

صدق مرا احب اشوف الكومنتس حقاتكم على المدونه 


متابعتكم لمدونتي تسعدني و منها تعرفون اخبار المدونه اول بأول 

ByeBye