مقارنه بين باليت انستازيا و باليت هدى بيوتي !
السلام عليكم بنات !!!
لا صدق صدق شخباري ! زمان عن التدوين زمان ماكتبت احسني قديييمه ! بس لاني حولت اغلب نشاطي على اليوتيوب
فما صرت ادون كثير زي اول بس بحاول اني ارجع انزل تدوينات اكثر مع الوقت !
بوست اليوم هو مقارنه كثير الاحظ تحبون هذا النوع من التدوينات العاده اجيب منتج من درق ستور و منتج هاي اند
لكن اليوم جبت منتجين يشبهون بعض من الهاي اند ميك اب
الي هم باليت هدى بيوتي و باليت انستازيا
اول شي بأبدا بباليت انستازيا !
هذا الباليت اذا تتابعوني بالسناب تعرفون عندي مشاكل في اني اسوي فيه لوك طبيعي احسني من امسك لون واحد يدي بدون شعور تروح للون الثاني و يتحول الموضوع بالغلط من لوك سمبل الى لوك جريئ اكثر ! 😹 ✋🏽
بالنسبه للباليت الوانها غير غير عن الالوان الي دايم نشوفها مابين الاورنج البنيات الوردي و العنابي و الوانها جدا دافيه و هذا اكثر شي حببني فيها لانها تنفع اكثر شي للاندر تون حقي
اغلبها الوان مطفيه ماعادا كم لون شيمر
بالنسبه للجوده ؟ هذه الباليت بذات من انستازيا احسها غيييير !!! تفوقو على نفسهم بشكل كبير احس الوانها صارت صبغتها اعلى سهله الدمج و تبين شكلها جدا جميل على العين العيب الوحيد ممكن يكون هو انه الالوان تتناثر بس هذا طبيعي بسبب قوه اللون
نجي للباليت الثاني من هدى بيوتي
هذا اول باليت ايشدو تم اصداره تقريبا فيهم شبه بالالوان لكن مع شوي اختلافات
الي يميز هذه الباليت ان الصف الاول شميرز لكن بتركيبه مختلفه و افضل استخدام لها تكون بأصابعك
اما باقي الالوان كلها مات و مع كم لون شيمر العادي
الالوان صبغتها برضو جدا حلوه و عاليه الجوده
الالوان حلوه خياراتها فيها البني العنابي و الفوشي
عن نفسي الصف الاول مو مرا حبيت تركيبه الشميرز لاني احب استخدم الفرش عاده اكثر من اصابعي
اللحين نجي للمقارنه بينهم ؟
باليت انستازيا فيه ١٤ لون
هدى بيوتي ١٨ لون
اغلب البالتين الوانهم مطفيه اكثر من الشميرز ماعدى الصف الاول من باليت هدى
قوه الالوان افضل فيها باليت انستازيا اكثر من هدى
بعض الدرجات بباليت هدى خشنه شوي اما باليت انستازيا اكثر نعومه
باليت هدى الالوان ماتتناثر كثير بعكس انستازيا تتناثر شوي اكثر
درجات باليت انستازيا فيها الوان مترابطه احس اكثر
عن نفسي انا احس لو انك ببدايه عالم الميك وحده منهم تكفي و ارجح باليت انستازيا
بس اذا انت كنتي متمكنه اكثر بالميك اب و عندك مهمه درجات الالوان تكون متنوعه زيي انا احس لازم عندي البالتين حتى استعملهم ساعات بنفس اللوك الي قاعده اسويه
لكن ممكن برضو افضل باليت انستازيا اكثر
وبس هذا كان ريفيو اليوم ان شاء الله يكون عجبكم و استفتدو منه
و اذا عندكم الباتين ايت وحده تحبون اكثر ؟؟
اشتراكم بالمدونه تسعدني و منها تعرفون اخبار المدونه اول بأول
Bye Bye
أفضل شركة متخصصه فى كشف تسربات المياه وعزل مائى وحرارى وعزل الأسطح ونقل العفش وتخزين العفش بالرياض ومكافحة الحشرات المنزليه
ردحذفكشف تسربات
كشف تسربات المياه
انا ابي اشتري شدو بس محتاره بين هدى بيوتي و انستازيا وققرت على شدو هدى بيوتي بس مدونتك ششكتني واحترت مره ثانيه
ردحذفحبيت الباليت انستازيا اكثرررر شكرا لك
ردحذف