اجندتي من ايرن كوندرين و بعض الطرق للتنظيم
الجمعة, أغسطس 14, 2015
اجندتي من ايرن كوندرين و بعض الطرق للتنظيم
السلام عليكم بنات بوست اليوم بيكون عن اجندتي من ايرن كوندرين كثير بنات سالوني عنها
و سالتكم على السناب و الانستقرام اذا حابين اسوي عنها و كثير منكم حب الفكره
الاجنده طلبتها من موقع اسمه ايرن كوندرن
هذا الرابط لو حابه تسجلين فيه
رابط الموقع
لو شفتكم متحمسين للبوست ان شاء الله بنزل الخطوات بالتفاصيل اذا طلبت اجندتي لسنه 2016
اول شي الواجهه للاجنده سلك و الحلو فيها ان نفس الواجهه تقدرين تشيلينها و تبدلينها لو حابه
و سكلها من النوع الحلو مايخرب او تتقطع منه الاوراق بسهوله
انا بما اني احب الاقتباسات حبيت هذي الواجهه لاجندتي تقدرين تضيفين اسمك عليها زي ما انا حاطه
و تغيرين بالخطوط فيها برضو
اول صفحه للاجنده على اليسار تقدرين تكتبين فيها معلوماتك في حال ضاعت بس انا ماكتبت لانها
ماتطلع من البيت
تقويم للسنه 2015
هنا حاطلك كل الشهور من بدايه السنه للنهايه و بعد شهر الاخير حاطلك اوراق للنوتات
( اذا اخترتي الاجنده الي تبينها في لك خياره لو تبينها تبدا من بدايه السنه او من نصها )
انا اخترت من بدايه السنه ارتب و احسن
حبيت فيها سهوله التنقل بين الاشهر
اول شي يطلع لك الصفحه الشهريه
حاط لك مربعات بمساحه حلوه تكتبين فيها الاشياء المهمه لك للشهر
و على اليمين نوته طويله لو حابه تكتبين الاشياء المهمه لك
بعدها نبدا بالتقويم الاسبوعي
الحلو في بدايه الاجنده حاطلك اخر 3 ايام من الشهر الاخير و عند الشهر الاخير برضو حاطلك اول 3 ايام من الشهر الاول
فوق تقويم مصغر للشهر تحته Weekly goals & notes
مساحه طويله تحطين فيها اهدافك و ملاحظاتك الاسبوعيه
و تحت في الاخير مساحه عريضه للــ
meals plans - exercise - daily dos - thoughts -inspiration
وصفات اكل - تمارين - مهام يوميه - افكار - الهامات
في النص عندك اليوم و التاريخ و ينقسم لك 3 اقسام صباح نهار ليل
تقسمين اوقات مهامك الاسوعيه فيها
*هذي نقطه مهمه للي بزياده يحبون التنظيم*
Notes - ملاحضات
بعد ماتخلصين من الاشهر تجيك زي ماقلت جهة الملاحظات
عندك صفحات مسطره من الجهتين
و بعدها جهة صفحات بدون تسطير
كميه الصفحات نسبتها حلو يعتبر
بعد ماتخلص صفحات الملاحظات تجيك صفحتين
اليسار تقويم 2016
و اليمين 2017
بعدين صحفه كامله و بالوان متعدده استكرات لايام الميلاد عشان تضيفينها للاجنده
بعدها برضو في استكرات للــ
Games - Hair appt. dentist appt. sale- Doc appt. Concert - mani\pedi party - vacation
العاب - مواعيد شعر اسنان و تخفيضات - مواعيد دكتور حفلات غنائيه - بدكير حفلات - اجازات
بعدها استكرات برضو بس فاضيه لو حابه تكتبين عليها الاشياء الي تبينها
و اتوقع تقدرين تختارين الالوان الي تبينها
مجلد لو حابه تحطين فيه اوراقك و غيرها
دفتر صغير بكل شهر تكتبين فيله مواعيدك الشهريه و عندك صفحه تكتبين فيها معلوماتك ومعلومات اشخاص المهمين في
حال احتجتي لها
في اخر صفحه حاطين تواريخ الاعياد و المناسبات المهمه حقتهم
و بعد في الخلف مجلد ثاني
في الاخير حاطين لك مجلد ثاني شفاف ماعرف اسم نوعيه بس مناسب تحطين فيله الاستكرات و الستكي نوتس
و من الاشياء الي تجيك مع المجلد كشكل اساسي عدد مبسط من كروت الشخصيه
استكرات صغيره كل وحده و مبين استخداماتها لايش مثل تنظيف - تمارين - مدفوعات و تسديدات و غيرها
حلوه تنظمك للجدولك الاسبوعي او الشهري كاختصار لك بالشي
و برضو فيلها استكرات فاضيه تكتبين فوق لايش تبينها
زي انا حاطه - للبوستات - الاشياء الي انجزتها - المهام و غيرها
وبرضو ضايفين لك كروت لاصقه للاعياد هدايا و غيرها
و كروت لاصقه عليها اسمك تكتبين فيها الي تبين
الحين خلصنا من كامل الاجنده و ايش تحتوي
*تقريبا بعد بكم شهر من نزول الاجنده الجديده يسون تخفيص 40% عليها في شهر ابريل تقريبا*
نجي للاشياء الي تدفعين عليها قيمه زياده عشان تقتنينها
*مايكون عليها تخفيض*
اول شي اخذته هذا المنظم للنوتات - افكار او اي شي تبينه ميزته
تقدرين تدخلينها بالسلك و تشيلينه بكل سهوله
* الكتابه عليها بقلم فلومستر بحيث تقدرين تمسحين و تضيفين على راحتك*
عن نفسي ماستفدت منه واجد عندي خانه المهام الاسبوعيه و الملاحظات
من عندهم برضو استكرات تسوينها بنفسك تختارين الشكل او الصوره الي تبينها عن طريق الارفاق
بس حسيتها مرا كبيره فما استعملتها واجد
و اخر شي و هو اكثر شي فادني
لاصق تحطينه على بدايه او نهايه الدفتر كيف مانتي حابه عشان تثبتين عليه قلمك
من الاشياء الي حبيتها في الاجنده
عند التقويم الشهري يحطون لك الاحتفالات و الاعياد حقتهم
شي حبيته انهم حاطين وقت دخول شهر رمضان
حاطين اقتباسات تلهمك عند كل شهر
بس اتوقع سو تغير بالاجنده الجديده ان شاء الله رح اسوي بوست تحديثي لو تغير شي بالجديده
طيب الحين الحين نجي لاخر شي الي هو بعض الطرق الي اسويها في التنظيم
الاقلام الي استعملها
اول كنت استعمل بس الرصاص عشان اخربط و امسح على راحتي بس بعدين عشان
افتح نفسي بالكتابه استعملت هذي النوعيه من الاقلام لان فيلها مساحتها من ورا
كل لون قلم حاطته يهدف لشي
الازرق: اشياء لمتجري في الانستقرام
@R_boutiqe
الموف:لكل اشيائي مثل المدونه مواعيد اهداف لكل شي استعملها
البرتقالي:حاطته للعناوين
هذي فكره حلوه عشان تنظيمين فيها بالالوان و برضو تنفتح نفسك لما تدونين او تكتبين
برضو النوتات فكرتها جدا حلوه
لو حابه تكتبين اشياء تفصيليه - اشياء مو متاكده منها تكتبينها عشان لو صار في تغيير
لسته بالاشياء الي تبينها و غيرها كثير
زي هنا
من الاشياء التنظيميه الي اسويها في خانه التقويم الشهري
للشهر الي انا فيه و الشهر الي بعده انظم
احتياجاتي + اشياء لازم اسويها + مهام شهريه
اقسم كل شي
الشهر الحالي:
كاتبه اهدافي و احتياجاتي :
امثله :
اقناء شنطه للجامعه
العدد الي ابي اوصله في الانستقرام من متابعين *اهداف*
و الاحتياجات الي اقتنيتها للجامعه : شنطه و فلاتين
و على حسب الي ابيه للشهر الي بعده
برضو احط اقتباسات لنفسي كالهامات لي للشهر
*الاقتباسات شي حلو جدا عشان تتقدمين للافضل حتى لو ماكنتي تشوفينها بس مجرد ماقرها عقلك يتبرمج انه يادي افضل*
من التنظيم للشهر القادم مدونتي رح تكمل سنه ان شاء الله
و برضو شي سويته عند اخر شهر لي من الحين حطيت الاشياء الي ابي اسويها للسنه الجديد كاهداف سنويه و غيرها
عشان لما تبدا السنه الجديده ماكون ناسيتها و لنفسي عشان اقدمها لكم كتدوينه فادون الملاحضات
فكره حلوه برضو :
في نهايه كل شهر تكتبين كل الانجازات الي سويتها حتى لو كانت عاديه بس لما تتجمع تحسين بانك انجزتي هذا الشهر
في التقويم الاسبوعي اكتب كامل الجدول الي ابي اسويه في المدونه و الانستقرام عشان ماتخلف عن شي
واكتب على جهه الانجازات المواضيع الي ابي اسويها في المدونه و الانستقرام
برضو مواعيدي وغيرها
*الاجنده مخليتها لحياتي و لمدونتي مع بعض*
اتابع الاجنده يوميا عشان اعرف وش بسوي لليوم و لو ماشفتها يوميا ممكن اتخلف عن انجاز شي
اكتب هدفي السنوي - الشهري - الاسبوعي
لان الانجاز السنوعي يحتاج انجازات متوسطه شهريه و الانجازت الشهريه تحتاج انجازات اسبوعيه صغيره
عشان في نهايه السنه تحققين هدفك السنوي
عند جهه الملاحضات
احط اشياء كثيره مثل:
افكار للتدوين
اشياء ابي اقتنيها من ميك اب - ملابس - للغرفه - اجهزه و غيرها كثير عشان مانسى شي و اسويه
انجازاتي خلال السنه
ايت انجاز يصيرلي اكتبه مثل
اول ماححقت الف متابعه
500 مشاهدات في المدونه
و غيرها اشياء كثيره
اشياء الي احتاجها - اشياء ابيها لغرفتي - استعداداتي للجامعه - مواقع ابي اجربها
تقريبا اي شي حابته ماخلي في عقلي عشان مانساه كله اكتبه عشان مانسى شي
و شي حلو انك تحطين صح على كل انجاز سويته شعور جدا حلو حتى لو كان انجاز جدا عادي
الاهداف السنويه جدا حلوه و مهمه !
في بدايه كل سنه ايت انجاز انتي حابته اكتبيه
مثل : انك تنحفين - تكونين منجزه اكثر - تتعلمين لغه ايت شي انتي حابته
لما انتي تكتبين الشي تتحفزين انك تسوينه و تنجزينه
وبس هذي الاشياء الي تقريبا اسويها الحين
اعتذر عن دقه التصوير
و لو كان في لخبطه في الافكار حاولت اربتها زين بس اخاف انسى شي
طريقه الطلب من موقع ايرين كوندرن
ان شاء الله تكون عجبتكم التدوينه لو حابين تدوينات اكثر عن التنظيم و غيره او شي حابين اتكلم عنه اكتبولي تحت في اخر التدوينه
الشي هذا بيسعدني و بيحفزني اكثر اني اسويه او لو في الانستقرام برضو
Snapchat-Instagram:iRahaf_alg
Email:Rahafalg1@gmail.com
14 التعليقات
حبيت الاجندة 😍
ردحذفشكرا حبيبتي 💜💜
حذففعلاً الاجنده بشكل عاام مرره مهما لكل شخص .. يرتب وينظم يوومك . . حبيت شررحك كثييير استمرري حبيبتي ❤❤
ردحذفمنجد انا قبل كان عندي دفتر اكتب فيه بس ابدا مافادني مثل الاجنده ، حبيبتي ان شاء الله بنزل بوستات اكثر ♥️♥️
ردحذفThanks Rahaf for the helpful post , cannot wait to get mine soon ❤️
ردحذفGlad it was helpful to you ♥️ show me yours once you buy itt !! ♥️
حذفكثير حبيت وحلو وفادني كوني طالبه مقبله للجامعه ومااعرف بهذي الأشياء, بس حبيت أسألك كيف اطلب؟ و كم يأخذ وقت؟
ردحذفاي مرا بيفيدك بالجامعه ، بحط طريقه الطلب قريب بالسناب ان شاء الله ♥️♥️
حذفوشكرا مقدما,أتمنى تردي لأن مرا حبيتوهه.
ردحذفمرره جميل البلانر وحبيت اطلب مثله..بس ابي اسأل يوصل دايركت عالسعوديه؟ واذا ايه على اي شركة شحن وصل لك؟ وشكرا مقدما💜💜
ردحذفماعندي خلفيه اذا يوصلون دايركت او لا تقدرين تشيكين بموقعهم ، طلبته عند طريق ورلد شيب \ ارامكس
حذفحبيت مدونتك وطريقة تفصيلك للمواضيع
ردحذفحبيتها وتحمست اشتري منها ل 2017 ان شاء الله
ردحذفكم كلفك مع التوصيل؟
ردحذف