مقارنه بين باليت الكونتور من انستازيا و لوراك | Lorac contour V.S ABH contour
الأربعاء, أكتوبر 19, 2016
مقارنه بين باليت الكونتور من انستازيا و لوراك | Lorac contour V.S ABH contour
السلام عليكم بنات كيفكم و ايش مسوين ؟
بما انكم تحبون بوست المقارنات و دايم الاحظ عليها مشاهدات عاليه
فاليوم بقارن باليت الكونتور من انستازيا و لوراك
اول شي بتكلم عنه هو باليت انستازيا
اتوقع من الصوره قد ايش حرفيا تحللت ؟ البرونزر الي على اليمين خلص حرفيا !
بالنسبه لي هذي الباليت ابد ابد ماقدر استغني عنها اروح و دايم ارجع لها
الباليت مكونه من ٣ انواع هايلايت
باودر صفراء و ورديه لتثبيت تحت العين
احب جدا الصفرا لكن صايره من تالي افضل الباودر المنثور
الورديه ابدا ماحبيتها ولا احسها اصلن تناسب درجت لوني
و الهايلايت الاخير هو اضاءه فيها لمعه بس برضو مو مرا حبيتها
و مكونه برضو من ٣ درجات كونتور و برونز
اللون الي بالنص استعمله اكثر شي للكونتور لان شوي فيه لون على رمادي لكن بطريقه حلوه و تبين كان الكونتور هو ضل
البرونزرز الاثنين جدا احبهم لان لونهم جميل بالنسبه لبرونزر و مناسب درجه الاندرتون تبعي
الباليت احلى مافيه انه نفس الالوان تقدرون تشيلونها و تستبدلونها و هذا الشي بحد ذاته جدا عملي و مهم بالنسبه لي
لان لو بسافر احط الدرجات الي ابيها ب Z palette و لو خلصت احد المنتجات ببساطه اقدر اطلب لي الدرجه الي خلصت بدون ما اضطر اني ارجع اشتري الباليت كامل
شي ثاني الباليت ماتتناثر مرا الوانها و صبغتها مناسبه تعتبر لو تبين تزيدين او تخففين
باليت الكونتور من لوراك
برضو نفس الشي
فيلها ٣ درجات اضاءه
واحده صفراء
واحده بيضا
و الثالثه فيها لمعه
ماستعملت الا الصفراء
و بعدها نفس الشي
٣ درجات كونتور
الي بالنص للكونتور
و الباقين للبرونز
اللحين بالنسبه للريفيو حقي
الباليت تركيبتها نفس تركيبه الايشدوز صبغتها جدا عاليه لكن تتناثر
مافيها زي باليت انستازيا لو خلصت درجه تقدرين تستبدلينها
بالنسبه للاضاءات استعمل بس الصفراء لكني افضل حقت انستازيا اكثر
و للكونتور
ماناسبتني الا درجه Medium contour هي الوحيده الي تناسب الاندرتون تبعي
Deep contour جددددددااا غامقه علي تعتبر
Light contour فاتحه علي ولا تبين حلوه علي لانها اندرتون بارد
ماحسيتها جدا عمليه بالنسبه لي ولا اشوف نفسي تروح لها
البرونزر الي استعمله احسه حلوه اول ماحطه بعدين احسه يقلب رمادي او يبين مبقع مو حلو علي
حرفيا تحتاجين يد خفيفه لانها صبغتها عاليه
اللحين نجي للمقارنه ؟؟
صراحه انا افضل حقت انستازيا
من ناحيه ايت عمليه ؟
باليت انستازيا عملي اكثر اني اقدر اعبيه مقارنتا اني لازم ارجع اشتري الباليت مرا ثانيه من لوراك
من ناحيه الالوان ؟
افضل الوان انستازيا اكثر لان احس تناسب درجات اكثر استعمل ٤ درجات منه
بعكس لوراك صح حطو درجات متنوعه بس صرت ماستفيد من الباليت الا من لونين ! و هو فيه ٦
من ناحيه التركيبه و الصبغه ؟
باليت لوراك احلى صبغته اعلى و شوي منه يكفي
انستازيا صبغته عاليه برضو تعتبر لكن تقدرين تتحكمين بكثره اللون و خفته
( بالنسبه لي هذا حبيته اكثر في باليت انستازيا )
وبس هذي كانت تدوينه اليوم ان شاء الله تكونون استفدتو منها
متابعتكم لمدونتي تسعدني و منها تعرفون اخبار المدونه اول بأول
و اذا ماكنتو تعرفون فأنا برضو عندي قناه على اليوتيوب
iRahafalg
هذا اخر فيديو نزلته عن طريقه تنظيمي لاجنده ايرن كوندرين
ByeBye
طريقه تنظيمي لاجنده ايرن كوندرين
السلام عليكم بنات كيفكم و ايش مسوين ؟
فيديو اليوم انطلب مني كثير و هو طريقتي لتنظيم الاجنده حقت ايرن كوندرين حكيت عن كيف احب اقسم و انظم فيها
سبق و سويت فيديو عن كيفيه الطلب على اليوتيوب و تفاصيل عن الاجنده في المدونه
لا تنسون اللايك و كومنت لو عجبكم الفيديو عشان اتحمس بأني انتج لكم اكثر
و متابعتكم تسعدني و منها تعرفون اخر الفيديوز الي تنزل اول بأول
September favorites | مفضلات شهر سيبتمبر
السلام عليكم بنات اخباركم و ايش مسوين ؟
بوست اليوم بيكون عن مفضلاتي الشهرين الماضين بما اني مانزلت الشهر الي راح
اول مفضلاتي !!
باليت الاضاءه من انستازيا طلبته من موقعهم بس اتوقع وصلتنا في افرع السعوديه ماني متاكده
الباليت هذي تجنن حرفيا !
اول شي حجم الهايلايت الواحد كبييير جدا ! و هذا الي حببني فيها
الي عندي درجتها the glow
اغلبها ذهبيات زي ما انا احب عادتنا اضاءاتي تكون
صراحه يعجبوني كلهم لكن اكثر ٢ احبهم الي على جهه اليسار عششقق !!
اكثر شي حبيته بالباليت تركيبه الهايلايتس ناعمه جدا !! كذا غير عن الباقين
مافيها ابدا ابدا قلتر و هذا الشي بعد حببني فيها يبين شكل الهايلايت اجمل
الرموش الي صايره احبهم كثير هذي الفتره
رموش دودو لاشيز تكملت عنها بالسناب قبل فتره و كيف استكشفتها
احلى مافيها انها رموش منك لكن ب٥ دولار لان الموقع تحت المصنع نفسه
و الجوده حقتها حلوه مرا صراحه ماتوقعتها بهذي الجوده !
رموشهم تبين جدا طبيعيه
اكثر درجتين حبيتها هذولي في باقي ٢ منهم ماجربتهم لسى لكن ان شاء الله اجربهم و اسوي موضوع كامل عنهم
الاولى : D119
الاخيره : D207
برايمر بينيفت للتحكم بالدهون
هذا المنتج فقط يتحكم بالدهون ماله دخل في تعبيه المسام عشان كذا اخذته
لاني ماحب البرايمرز الي تعبيه المسام بعد فتره تبدا تكبر مسامك ولا انصح فيها شخصيا
حبيت
يعني ساعات الاحظ انه فعلا ممتاز و يتحكم فيه و على الاخير يبين شكلي ديوي
و ساعات احس لا يدهن عندي منطقه الخشم بعد فتره ؟
لكن فعليا الاحظ فرق لما احطه و لما ماحطه فعشان كذا لسى استعمله بس ممكن لو خلص اشتري غيره
RCMA - No Colour Powder
هذي الباودر سوت ضجه كبييره بعد ما تكلمت عنها كاثلين لايتس
الباودر صراحه حبيتها خفيفه احسها و جدا ناعمه احب الاضاءه الي تعطيني اياها لما احطها
تبين مكياجي جدا نظيف و حلو
ماحسيتها تجفف لي المنطقه مرا و هذا الشي برضو حبيته فيه
الشي الواو فيها كميتها ! 3 oz يعني ٣ اضعاف باودر لورا مارسيه و رخيييييييييصصه 12 دولار
لكن الشي الوحيد الي ماحبيته فيه ! التعليب !!
يالطيييفف ليتهم بس يغيرونه ! ابدا ماهو عملي لازم افتح الغطاء و الباودر على طول تتناثر و تنتشر في كل المكان
فاللي اتمناه فعلا انهم يغيرون التعليب
الباودر فاونديشن من اربن ديكاي
كانت من مفضلاتي قبل و حكيت عنها لكني رجعت حبيتها بشكل مو طبيعي
رجعت استخدمها على ايام الجامعه لاني ماحب استعمل شي سايل في الصباح
تبين شكلك صحي و توحيد للون تغطيتها خفيفه تعتبر و الشكل النهائي ماتبينه باودري ابدا !
و هذا الشي الي حببني فيها زياده و اتوقع واضح هذا الشي من كثرت ماحفرت فيها
حتى صرت استعملها كشي خفيف مو بس للجامعه
انا انسانه صايره مراااا احب الرموش و طحت فيها بشكل مو طبيعي
لكن الفتره الاخيره صرت احب استعمل هذي الماسكرتين سوا و صرت احب شكلي فيها
تبين رموشي كثيفه و طويله بنفس الوقت
لان ماسكرا اسنس تعطي كثافه ماعرف اسمها ايش بس الموفيه
و بعدها بماسكرا لوريال telescopic carbon black
هذي مادري اذا متوفره عندنا هنا او لا انا طلبتها من موقع درق ستور
مجموعه الايلانير من كايلي كوزماتيك
ايلانير و يجيك معاه فرشه - كحل - وايلانير بنفس اللون
صراحه حبيت جدا المجموعه
هذي من اللمتيد اديشن
لونه بني و في ذهبي
الكحل صايره احب استعمله دايم لكل يوم يعطي احس شكل زياده للعين و مايبينها اوفر ابدا
و خصوصا اللون الذهبي الي فيه يحلي شكل اللعين زياده
يعتبر ثابت لكن ممكن الذهبي الي فيه يخف بعد فتره
بالنسبه للايلانير فمرا حبيت فكره ايلانير لونه ماهو اسود زي العاده
اللون بني لكن الذهبي الي فيه بارز جدا اكثر من الكحل
صرت احب استبدل الايلانير الاسود باللون هذا و خصوصا لو بسوي لوك جدا برونزي
و اخر شي الفرشه حبيتها لكن ماستعملتها للجل بالعكس صرت استعملها باني ارسم فيها حواجبي بالباودر ويطلع شكلي الحاجب بيرفكت و خفيف
بالنسبه للحواجب برضو صرت احب انظف نهايه او زاويه حاجبي بالكونسيلر بس استعمل كونسيلر كريمي عشان مايبين
شكل الحاجب بزياده نظيف او شي كذا ماحب هذا الشكل و استعمل درجه نفس درجتي
و بما اننا لسى نحكي عن الحواجب بحكي لكم عن هذا من انستازيا
ماهو ال brow wiz المتعودين عليهه لا هذا الbrow definer قريب اصدرته
لما رحت سيفورا سالت عنه قالت لي انه موجود بس دايم مخلص
بالبدايه ابدا ماحبيته احسني ماعرفت او ماتعودت عليه
لكن !
بعد ماجربته اكثر من مرا عرفت له و تمكنت منه حبيته جدا !!!
صرت اخلص حواجبي باسرع شوي و يبين شكل حواجبي جدا طبيعي و هذا الي حببني فيه و من قدام احاول اني اسوي زي الخطوط برضو
بالنسبه لمفضلاتي من الارواج
كلهم من كايلي كوزماتيك
برضو مجموعه لمتيد كان فيها ٦ درجات من ارواجها لكن على شكل ميني
بالنسبه تركيبه الارواج
فجدا حبيت تركيبتهم يبقون معاك فتره طويله و حتى مع الاكل ممكن ساعات يخف شوي على حست نوع الاكل
لكن جدا تطول و الشي الي مرااا حببني فيها اكثر انك ماتحسين عليها ابدا ساعات اصلن انسى اني حاطه روج
صراحه متحمسه اجرب المجموعه الي تتكون من روج و محدد عشان اجرب محدداتهم
الدرجه الاولى الي حبيتها هي Candy k
هي تبين شوي نقطه فاتحه علي صرت احب استعملها بهذي الطريقه
اني احط محدد غامق مثل Mahogany من نيكس و بعدها احط فوقه الروج و يطلع جدا لونه جميل و كثير يسالوني عليه
الدرجه الثانيه
Kristen علي انا طالعه شوي على الاحمر الصارخ لكن جدا جميله الدرجه و حسيتها درجه صيفيه تجنن
وبس هذا كان بوست اليوم ان شاء الله يكون عجبكم و استفدتو منه
ByeBye ♥️
