My latest favourites | مفضلاتي الاخيره
الأربعاء, ديسمبر 02, 2015My latest favourites | مفضلاتي الاخيره
السلام عليكم بنات
لي فتره مانزلت تدوينه لمفضلاتي لسبب اني ماجربت منتجات جديده او قد كتبت عنها بمفضلات سابقه
فاليوم بحكي عن منتجات جديده جربتها بالفتره الاخيره و حبيتها
اول منتج بحكي عنه و هو اكثر منتج حابته و اكثر شي استعملته بينهم
الباودر فاونشين من اربن ديكاي نايكد قد كتبت تدوينه عن كونسيلر و الفانوديشن حق نايكد هنا
صراحه مرا احب منتجات اربن ديكاي و تقريبا من احلى الماركات الي عندي الا الان
انا مو من عادتي اشتري فاونديشن باودر لكن كنت ابي شي خفيف للجامعه بدال كل يوم احط بي بي كريم
الباودر خفيفه تغطيتها و تعطي لون اكثر من تغطيه ماتعطيك شكل مغبر و ماهي مات على الوجه برضو
لكن لاحظت ان لما احطها فوقها البرونز و البلشر بشكل عام اي شي بودره فوقها تبان اخفف من اني احط بي بي كريم
انا مو راعيه بلشرات يعني عادي اقعد على بلشر واحد فتره طويله ماعندي ايت مشكله بس الحمدلله باديه انوع هذي الفتره
و من البلشرات الي صايره استعملهم هذي الباليت استعملت كل الالوان الي فيها بشكل عام كلهم حلوين و الوانهم واضحه
الاضاءه الجميله هذييي من ذا بالم صايره لازم استعملها في ايت ميك اب اسويه
احطها فوق البرونزر بفرشه ريل تكنيك الكبيره هذي مسحه بسيطه و بعدها بالفكس بلس يطلع الفينش يصيح حرفيا و الاضاءه تكون جدا حلوه
منتج ثاني من ذا بالم الي هو بودره الحواجب اخذت اغمق درجه بونيه عشان شعري اسود
البودره جدا حلوه غير مرا عن حقت الف ابدا ماعجبتني هذي تثبت معاي لوقت طويل بفكس او بدون فكس بلس
مظهرها على الحاجب ناعم ماتبين قاسيه و بمجرد ماتحسين انك كثرتي بفرشه حواجب شيلي الزايد
احسها اكثر شي تنفع للبنات الي حواجبهم كثيفه او بس تعبيه انا حواجبي خفيفه من النهايه فاستعمل الجل حق انستازيا بالزاويه و من الوسط للبدايه استعمل البودره
و اخر شي من مفضلاتي حقت الميك اب بودره لورا مارسيه استعملها في المناسبات اكثر شي اذا كنت ابي اسوي ميك اب فل
استعملها بطريقه الباكينق او الطبخ بالنسبه لراي بالبودره فاهي مرا حلوه خفيفه جدا و ناعمه و تبقى معاك ثابته تنور لك المنطقه وشفافه
اذا ماقد سمعتي بالطريقه هذي فيلها فيديوات باليوتبيوب
اخر شي من مفضلاتي هذولي المناكيرين
اول لون من ايسي Bobbing for baubles
اللون الثاني من OPI : اسمه Lincoln park after dark
وبس هذي كانت مفضلاتي الاخيره حبيت انزل هذا الشهر حتى لو كانت المنتجات قليله
ان شاء الله تكون عجبتكم التدوينه و استفدتو منها
متابعتكم لمدونتي تسعدني و توصلكم اخبار المدونه اول باول
ByeBye
0 التعليقات