مقارنه بين كونسيلر نارز و مايبلين | Nars concealer V.S Maybelline concealer
الأربعاء, مايو 18, 2016
مقارنه بين كونسيلر نارز و مايبلين | Nars concealer V.S Maybelline concealer
السلام عليكم بنات اخباركم ؟ و اخبار الاختبارات تقريبا هذا الاسبوع تخلصون ؟
بوست اليوم بيكون مقارنه بين كونسيلر نارز و كونسيلر مايبلين فيت مي
نبدا بكونسيلر مايبلين فيت مي
الكونسيلر قوامه خفيف و تغطيته خفيفه تعتبر
ينفع اكثر شي لكل يوم و او لمكياج خفيف
يبين شكله حلو ولا يكتل معك لكن احس بعد فتره ٧ ساعات يبدى بروح
بالنسبه للدرجات اتوقع ٥-٧ درجات ؟ ماني متاكده
تلاقونه بسنتربوينت و اتوقع بالصيدليات
لكن مافي كل الدرجات هنا اخذته من موقع درقستور
كونسيلر نارز
هذا الكونسيلر جدا مشهور عندهم و من الافضل مبيعا اتوقع
الكونسيلر جدا جدا حلو تغطيته عاليه تعتبر
الكونسيلر يتعبر ثقيل بالبدايه حسيته جدا ثقيل لاني كنت متعوده على حق نايكد
لكن مع الوقت حسيته اخف شوي
الحلو في الكونسيلر انه يعطي اضاءه جدا حلوه و يبين مكياجك نظيف
اعتمده بالمناسبات و درجاته جدا كثير
للاسف حاليا مو عندها بسيفورا لكن اتوقع بينزل هذي السنه
بالنسبه للمقارنه ؟
هل يتشابهون او يعطون نفس التغطيه ؟
لا
مالهم ايت دخل ببعض للامانه جدا استغرب انهم يشبهونهم ببعض
القوام مختلف
مايبلين خفيف نارز ثقيل
التغطيه مختلفه
مايبلين خفيف نارز عاليه
ايهم افضل ؟ ماقدر افضل واحد على واحد لكن لكل واحد عندي استخدام و كلهم يعتبرون ممتازين
و كلهم يناسبون لشي معين
و بس هذا كان بوست اليوم ان شاء الله يكون عجبكم واستفدتو منه
لو جربتو الاثنين ايت عجبكم و ليش ؟
متابعتكم لمدونتي تسعدني و منها تعرفون اخبار المدونه اول باول
اذا ماكنتو تعرفون عندي متجر على الانستقرام و قبل فتره وفرت تسليم فوري ❤︎
حساب المتجر iRahafalg.boutique
Bye Bye
2 التعليقات
فيت مي سمعت عليه مدح كثير وكل مرة اروح سينتربوينت ما القى درجتي 😪 درجاتهم جدًا محدودة
ردحذفمدري كيف جيت ع حسابك والمدونه بس شي جميل ماشاءالله صراحه مبدعه ❤❤
ردحذف