ريفيو فرش سيقما للوجه
السلام عليكم بنات اخباركم ؟
تدوينه اليوم بتكون ريفيو لفرش سيقما للوجه في تخفيضات السايبر منداي كانو مسوين خصم ٢٠٪ على كل المعروض
فاخذتلي كم فرشه من مجموعه الوجه
عن نفسي حبيت جدا الفرش كذا احسها شي Laxuray اول مرا اجرب مجموعه الوجه العاده دايم اخذ من ريل تكنيك و تعجبني و سويت عنها ريفيو برضو بالمدونه هنا
راي فيها
هاي كوالتي : لكن ممكن بنسبه ٣٪ تطيح عليك شعره شعرتين وقت ماتغسلينها
المسكه حقتها قويه لكن عندي فرشه الكونتور بدت ترخي و هذا الي استغربته لان ماقد صار مع ايت من الفرش الثانيه
الفرش شعراتها جدا ناعمه و مصفوفه بدقه و الي اعرفه انها ماهي صناعيه شعر طبيعي
صراحه مرا حبيت فرش الوجهه و مخططه اخذلي منهم زياده
اول فرشه هي الديو فايبر رقمها F50
هذي النوع من الفرش عادتنا ابدا ماتجذبني لكن حرفيا كنت غلطانه كنت ماخذتها عساس بعد ماخلص الميك اب اسوي فيه دمج لوجهي بحيث مايصير فيه خطوط
لكن صرت استعملها للبلشر و مرا حبيتها تبين البلشر بشكل جدا طبيعي
ثاني فرشه اخذتها F20
غرضي منها بالبدايه للباودر لكن صرت احبها مرا للبرونزر تعطي حياه لوجهي و مايكون جدا محدد مثل حقت الكونتور
هذا الحلو بالفرش انك مو شرط لازم تستعملينها على نفس الاستعمال الي يكون مخصص له
فرشه الفاونديشن F80
الفرشه حلوه جدا و تعطيك تغطيه عاليه توزع الفاوديشن بشكل حلو وماحسيتها تاخذ منتج بكثره مثل البيوتي بلندر
F35
الفرشه هذي احبها لاستخدامين
الاستخدام الاول و الي اعتمده اكثر شي الي هو للاضاءه على عظمه الخد تبينه جدا جدا جميل
و للخشم و فرق الشفايف
استعمال ثاني لها استعملها لتثبيت الكونسيلر بالباودر
اخر فرشه اخذتها F40
استخدمها للكونتور و جدا يطلع شكل الكونتور جميل و نظيف فيها احب اكثر شي فيها نعومه الشعره و الشكل حقها تعتبر جدا مناسبه لغرضها
و بس هذي كانت تدوينه اليوم ان شاء الله تكون عجبتكم و تكونون استفدتوا منها
متابعتكم لمدونتي تسعدني و منها تعرفون اخبار المدونه
ByeBye❤︎
