مشتريات دبي | Dubai haul 2016
الأحد, سبتمبر 18, 2016
مشتريات دبي | Dubai haul 2016
السلام عليكم بنات شخباركم و كيف اول يوم دراسه ؟
الاجازه و خلصت و اللهم لك الحمد
اللحين بنبدا بالجد و الدراسه ان شاء الله تكون سنه حافله علينا
بوست اليوم بيكون مشترياتي من دبي
صراحه ماهي ذيك المشتريات الكثيره بس لانكم طلبتو بالسناب 💞
وقت مارحنا كانو توهم فاتحين the outlet village من ٥ ايام فيله محلات كثيره
بس مو اللكل فاتح كان
كان في اوتليت سيفورا ! كنت بنهار عشانه بس برضو ماكان فاتح
صراحه مو مرا عجبتني كل الاشياء ممكن على بعدين بضاعتهم تصير افضل
بس اخذتلي من Armani Exchange
اول شي اخذته هذي البلوزه صراحه مرا حبيت حسيتها غريبه شوي عن الستايل الي دايم اروح له
بس هذا الي حببني فيها لاني ابي اغير
احسها تنفع على الخريف و الشتى اكثر لان فيلها جلد
الشي الثاني الي اخذته برضو من ارماني
الجاكيت هذاا صراحه مرااااا حبيته و ماقدرت ماخذه
حبيت ان شكله كلاسيك و مرا اليقنت يعني شي بيعيش معاي
و اكثر شي حبيت خامته مرا حلوه
ادري ان القطعتين كلهم شتويه بس لان اساسا باقي كم يوم و ندخل الخريف و الجو بدا يتعدل بالليل
مين فيكم زيي يحب الشتاء اكثر من الصيف 😴 ؟
مشتريات الامارات مول
اخذتلي هذي الشنطه للجامعه زين الي لقيت لي وحده حرفيا حست ادور شنطه و يالله لقيت
اخذتلي هذي من Guess في منها الاسود و العنابي و الكل قالي اخذ العنابيه و صراحه صدق حبيتها اكثر
من تيد بيكر اخذتلي اسواره
صراحه انا مرا احب اساورهم الي زي كذا مرا شكلها يطلع حلو على اليد
عندي نفس الفكره بس سوده و كرفتها حرفيا ! و للحين البسها
من اتش اند ام صراحه توقعت الاقي اشياء حلوه بس مالقيت و كان حوسه اساسا
اخذتلي هذا الفستان الي يكون فيله فتحتين من الجنب توقعت الفتحه على حد الركبه بس مرا كانت طويله
فشكله صاير كانه كوفر اب حق المسبح ممكن ؟ او على الاقل اتوقع هذي الطريقه الي بصير البسها فيه
طبعا كثير منناا شاف هذي الموضه او الترند الي اطلقتها بالآساس Fendi
الميداليات الفرو او حتى بأشكال ثانيه حبيت اخذلي وحده لشنطه الجامعه كذا تحلي من شكلها و تعطيها فن اكثر
اللحين لمشتريات دبي مول
River Island
حاليا بدت ترجع هذي الموضه حقت القطع الجيشيه ممكن تسمونها ؟ او بالانقلش الكامي
انا صايره تعجبني عن نفسي على ستايلات معينه
برضو ماهو شي دايم اختاره بس عجبتني مرا
كل اهلي ماحبوها بس عادي 😒
حسيت ودي اسويلها ستايل معين و تخيلتها مع بوت طويل شوي كذا
مشتريات العنايه
اخذتلي من بوتس
كريم من N7 مخصص للبشره المختلطه \ دهنيه
قد جربته قبل و اذكر حبيته
ثاني شي اخذته للجامعه اكثر شي
الي هو واقي شمس من نيتروجينا اخذته على مدح وفاء
كانه كريم و بسرعه تتمصه البشره مايخلي وجهك رمادي
ونسبه الوقايه 55
Sephora - JBR
صراحه لاحضت ماعندهم تنوع كثير زي حق دبي مول
و اساسا كان حق دبي مول زحمممممهههههههههههه !!! حرفيا
هذا كان حلو رايق مافيه الا انا 😂
اخذتلي ٣ منتجات ماوسعت صدري مرا لان قرب البلاك فرايدي
كان وقتها مع رطوبه دبي الجميله برايمر مطفي
حبيت اجرب حق بينيفت و كان اهم شي عندي ان مايسكرلي المسام و حقت بينفيت اكدتلي ان مافي هذي التقنيه
صراحه ماعندي مرا رأيي عنه لسى ابي اجربه اكثر
اخذتلي منتجين للحواجب من انستازيا
اول شي كان جل الحواجب اخيرا اخذتلي واحد جديد الي عندي كان يقولي اعتقيني !!!
بس الحمدلله صراحه خدمني حوالي سنتين ؟
الشي الثاني الي كان ودي اجربه ولا لقيته عندنا الي هو Brow definer
حسيت انه بيعجبني بس لسى قاعده اجربه و مرا يعجبني و مرا لا اتوقع يبيلي اتمرس عليه اكثر
و بس كانت هذي تدوينه اليوم ان شاء الله تكون عجبتكم و استفدتو منها
و اذا كانتو تعرفون انا فتحت لي قناه باليوتيوب
iRahafalg اسم القناه
لو حابين تطلعون عليها
و ان شاء الله بيكون في فلوق لدبي رح انزله قريب بس اشتغل عليه
متابعتكم لمدونتي تسعدني و منها تعرفون اخبار المدونه اول بأول
Bye Bye 😍
3 التعليقات
السلام عليكم ، اوه التدوينة حلوه حبيت ما شاءلله الجاكيت اللي من أرماني :( ، مثلي قلم الحواجب حق انستازيا مره احبه ومره لا عجزت افهمه ولا هو فهمن :) !
ردحذفعليكم السلام ، متشكره تسليم مقدم ♥️ ، كويس نفس الحاله اجل انا وياه تقريبا بدينا نفهم بعض الحمدلله 😂🙅🏽
حذفالله يعطيك العافية وحبيت البلوق والمشتريات بسيطه وجميله
ردحذف