Skin care haul & mini reviews
الجمعة, يناير 02, 2015Skin care haul & mini reviews
السلام عليكم بعد طول غيبه
لي فتره مانزلت بوست تعبت و بعدها جا هم اختبارات ولابي خرب
كل شي في وقت واحد و من زمان احسني عن التدوين
قبل فتره خلصت اغلب اغراضي للسكين كير فقلت اجرب اشياء جديده و اكتب لكم عنها
اول شي نبدا بـ The body shop
بالبدايه ماكنت اميل له لاكني بعد ماجربت كم غرض منهم صرت استهويه بشكل !
اول شي اخذته طبعا ابدا ماهو غريب عليكم الي هو الBody butter
ادري حومت كبدكم فيها لاكني احبها بشكل مو طبيعي صدق صدق ترطب و يبقى الترطيب
لفتره طويله و هذي مكتوب عليها ترطيب ل48 ساعه !!!
خلص الكريم حقي من كاميليا فحبيت اجرب هذا
ترطيبه حلو و يبقى بالنسبه اذا اظافري حسيت فيها فرق ماني متاكده
ابغى اجربته زياده قبل احكم عليه
الشي الصغير الثاني هو للاصابع انا دايم الجلد حقي الي بين الاظافر يكون جاف فحبيت اجربه
ترطيبه يعتبر حلو
احب مرا اللاين حقهم للرجل و انا اكثر منطقه تهمني رجلي احس يبان قدر اهتمام الشخص من رجله !
هذا بالنسبه لي طبعا
اول شي اخذته الي هو سبراي حقهم للرجل حلو و بعطي كذا انتعاش للرجل بس احب استعمله من فوق لاني احسه يدبق شوي !
و الشي الثاني الي هو السكرب الرجل حقهم !!! مرا مرررا حلو بشكل !
استعملته مره لاني حسيت بجفاف برجلي باسفل القدم بعد ماسويت له تقشير راح الجفاف و صار الملمس يجنن !!
صراحه مرا انصح فيه بعد كريم الرجل حقهم
طبعا اغلب منتجاتهم للرجل بريحه النعنااع
بعدها رحت صيدليه بوتس
كنت ابغى كم غرض
هذا المنظف الجميل من بايودريما !! احسه صدق صدق يستاهل
ينظف لي المكياج و احس وجهي بتنفس بعده
لاكن بعدها لازم اغسل وجهي بمويه او غسول لان مهما نظفتي يبقى ميك اب
مالقيت الحجم الكبير للاسف فاخذت الحجم الصغير
اخذت هذا الغسول بس نسيت اصوره
من Avene للبشره المختلطه
جربته لي فتره تقريبا
اول شي لاحظته بشرتي ماعادت تجف و لا يجفف وجهي بعد ما اغسله
و احس بشرتي تحسنت منه كثير صارو يقولون لي ايش تستعملين و الي يحسبني حاطه بيبي كريم
لاكن لاحضت اني بعد استخدامي له و بعدها احط ميك اب بعد فتره وجهي يرجع يدهن هذا الشي الي ممكن ماحبيته
لان بشرتي ماهي من النوع الي تدهن كثير و ماكنت احتاج احطها لها باودير
اخر شي شريته الي هو كريم لليدين كنت حابه واحد احطه بشنطتي
كان مع الكريم عرض اخذ اي شي من المجموعه فري
لاكن مالقيت غير زيت للستريتش مارك صراحه عن نفسي ماحس شي يشيلها الا علاجات بالعيادات
مو شي عادي يكون
جربته مرا بس فما عندي اي شي اقوله عنه
و بس هذا كان كل البوست حبيت اطلع من جو الدراسه و انزله
ان شاء الله تكونون استمتعتوا بالبوست
اذا حابيين اسوي ايت بوست او ريفيو عن اي شي اكتبو لي كومنت هنا او بالانستقرام
@irahaf_alg
bye bye
0 التعليقات