السلام عليكم بنات بوست اليوم بيكون عن مفضلاتي لشهر فيبرواري 

شي حبيته بعيد عن الفاشن و البيوتي 

الي هو المايسون الجار هذا مرا حبيته من امازون طلبته سعته ٥٨٢ ml و اشرب منه تقريبا ٤-٥ يعادل ٣ لتر 

صرت اتحمس اكثر اني اشرب المويه بعد ماشريته ! و صرت اتبع معدل المويه الي بجسمي من خلال تطبيق WaterBalance

its a 10 

بخاخ للشعر بعد الشاور مرا صار يعجبني حرفيا ! يعطي لمعه حلوه لشعري حسيته فعلا تحكم بالفرز ( الشعر الطاير) و 
اطراف شعري ماحسيتها بدت تتقصف ( قصيت اطراف شعري و من بعدها استعملته البخاخ) وهذا الشي حبيته لان اطراف شعري تتقصف بسرعه 

و اكثر شي حبيته !! لو شعرك ريفي كيرلي بيعجبك صرت بعد ماخلص شور اقلب شعري و افتح المويه عليه اجعده شوي و الفه بالفوطه شوي وبعدها ارش عليه البخاخ و استعمله معاه 


هذا المصفف تلاقينه مع الاستشوار عادتنا مادري اذا ينباع لحاله 

و شعري مقلوب ابدا اجففه فيه يعطي كيرلز و ويفيز مرااا جميله للشعر كثير صارو يسالوني عنه ! 



مزيل الميك اب للعين من سيفورا هو زيتي 

ترجينه قبل الاستعمال عشان يختلط الزيت بالمويه و بعدها تمسحين فيه مكياج العين 

مرا حلو فعلا يشيل لي كل الميك اب العين حتى لما اغسل وجهي بعدين ماتنزل ايت بقايا مكياج 

ماحسيته جففلي منطقه تحت العين 

هذا اكبر حجم و سعره ٥٩ ريال اعتقد 



البرايمر واتر من سماش بوكس !! واضح حبي له لان راح نصه 


هو بخاخ ترشينه قبل الميك اب حسيته يحضر وجهي للميك اب و يطلع شكل الميك اب احلى خصوصا لو بستعمل باودر فاونديشن 

احب كيف يخلي شكل وجهي لما ارشه بعد الميك اب يشيل لي لوك الباودر لكن مايعطيني لمعه كثيره  مثل الفكس بلس  

مكتوب برضو انه مثبت للميك اب ماحسيته يثبته لمده طويله ممكن لفتره بسيطه مايتحكم بالدهون ابدا 

و اخر شي مكتوب انك تستعملينه عشان تسوين ريفريش للميك اب حقك برضو 

احتمال كبير اشترلي العلبه الكبيره لاني مرا حبيته 


من منتجات الباودر الي حبيتها شيئين 

بلشر من الف اسمه Pinktastic لكنه على الاضاءه اكثر و الاغلب يستعمله كاضاءه اساسا 

مرا حبيته !! على انه من المنتجات الباكيد ( الي يفضل استعمالها رطبه ) يعطيني اضاءه جدا جميله و هو جاف و الاضاءه احسها صحيه لونه ماهو وردي 


المنتج الثاني بلشر من NYX  اسمه Taupe 

الاغلب يستعمله كدرجه للكونتور اكثر و فعلا مرا حبيته للكونتور لان لونه علي الرمادي شوي مايبين شكل الميك اب على الوصخ 



كونسيلر كريمي من ماك Studio fix 

صايره احب استعمله عشان اغطي فيه الحبوب لانه قريب من درجتي كثير و لو بسوي لوك الي ماكاني حاطه ميك اب احطه لتحت العين برضو 

جدا جميل البعض ممكن يحسه ثقيل شوي لكن بالنسبه لي عادي احسه 


من الفرش الي جدا حبيتها هذا الشهر فرشه سيقما F35 

مرا تجنن للهايلايت كيف توزعه و يبين شكله على الوجه و ممكن برضو تستخدمينها لتثبيت الكونسيلر بالباودر 



اكثر روج استعملته هذا الشهر beeper 

من كولوربوب جدا حبيته للصباح هو الي اعتمده للجامعه ثباته جدا حلو يقعد فوق ال٦ ساعات لما يبدا يروح يبدا من جوا الفم لو اكلتي ممكن يروح ان شاء بنزل قريب بوست كامل عن ارواج كولور بوب ! 


صمغ الرموش من هاوس اوف لاشيز الحمدلله اني شريت لي واحد ثاني باك اب ! مرا حبيته !! 


تحتاجين بس شوي منه بالبدايه يطلع لونه ابيض و بس يتحول لونه للاخضر يكون جاهز انك تحطين الرموش 

سهل التحكم فيه لو غلطتي بالمكان صرت احب احط رموش من بعده 

صمغ ديو من بعده حطيت عليه X واساسا مادري وين راح 



اخر شي من مفضلاتي هو كحلين صدق صرت افرق بمكياجي فيهم 

اول واحد من ريميل لونه جدا قوي ساعات احاول اخففه و يبقى معاك لوقت طويل 

الكحل الثاني من الف جدا حبيت سواده لكن يبدا يخف شوي معاك مع الوقت بس ممكن تثبتينه بايشدو اسود 


وبس هذي كانت مفضلاتي لشهر فيبرواري 

ان شاء الله تستفيدون البوست


متابعتكم لمدونتي تسعدني و منها تعرفون اخبار المدونه 

ByeBye