F21 haul | 2015
الخميس, نوفمبر 05, 2015F21 haul | 2015
السلام عليكم بنات اخباركم بوست اليوم بيكون عن مشترياتي البسيطه من موقع فورايفير ٢١ على انه
فتح عندنا هنا بالرياض في الحياه مول لاكن اخر مرا مريت من عندهم !!! المكان كلش فوق بعض و ماهو مرتب !
عشان كذا حبيت اني اطلب لي اون لاين كنت ابي كم قطعه جديده للجامعه و للجمعات يعني بشكل عام
الطلبيه هذي طفشت طفشت حرفيا لين وصلتني ! وصلت رياض ارامكس و قعدو ٢٠ يوم و هي كل يوم تصير اون هولد !
كلمتهم اكثر من مرا رفعت شكوات و اشياء كثيره و في الاخير يالله وصلت صراحه غريبه ماعمر تاخرت علي شحنه من عندهم
لكن طلبيتي الثانيه على طول اول ماوصلت طلعت للتوصيل الحمدلله
الزبده بعد السواليف الطويله يالله نبدا بالبوست
اول قطعه اخذتها هذي مرا حبيتها شوي جايه على الكروب من قدام اقصر بشوي من ورا
و فيلها جيب وضحته بالجوال لانه ماهو مرا باين بالصوره الي قبل
ثاني قطعه اخذتها اكثر شي حبيته الكم حقها ماهو تقليدي زي الي نشوفه و مرا حلوه على اللبس صراحه
مرا احب قطع الجينز و ساعات احب ادمجها برضو مع بنطلون جينز و يطلعون حلوين بالبس
هذي القطعه بسيطه لكن باللبس تطلع غير
هذي القطعه ماتوقعت اني مرا بحبها هي بسيطه جدا لحالها لكن على اللبس برضو تصير غير على بانتس او جينز فوقها صح قطعه بسيطه لكن ممكن تغيرلك كل لبسك
اخر قطعه اخذتها تيشرت دلعته على شكل V اخذت ٢
صراحه مو مرا حبيت جودتها عشان كذا كانت مرا رخيصه بس ٣ دولار يعني حوالي ٩ ريال و اخذتها بعرض فصارت الوحده ١.٥ دولار يعني يمكن الوحده ٤-٥ ريال
وبس هذي كانت كل مشترياتي الي اخذتها من فورايفير ٢١
ان شاء الله تكون عجبتكم التدوينه و استفدتو
متباعتكم لمدونتي تسعدني و تقدرون تشوفون التدوينات الي انزلها اول باول
باي
0 التعليقات