Lush review | ريفيو منتجات لاش
السبت, يوليو 08, 2017
Lush review | ريفيو منتجات لاش
السلام عليكم بنات كيفكم و ايش مسوين ؟
تدوينه اليوم بتكون عن تجربتي لمنتجات لاش قبل فتره اخذتهم من البحرين
اخذت لي بس ٣ منتجات عشان اجربها بحكم اني ماقد جربت منتجاتهم من قبل دايم احتار و اطلع من المحل
اول شي اخذته و الي كنت متحمسه هو Rub Rub Rub srub
السكرب هذا باملاح البحر تقدرين تستخدمينه على بشره جافه لتقشير اقوى او على بشره رطبه لتقشير انعم
عن نفسي دايم انسى او اتعيجز صراحه اني استخدمه على بشره جافه لان السكرب تعتبر من خطواتي الاخيره في الشور
فعادتنا استخدمه على بشره رطبه و يعطيني تقشير ناعم احلى شعور اني بعد ما امرر الموويه احس ببشرتي جدا ناعمه
خصوصا بعد ماكون شايله جسمي النومه تصير دبل و هذا شي جدا حبيته لكن ! ماحسيت مفعوله يطول يعني يوم يومين بعدين ترجع بشرتك نفس ماكانت بعكس مقشر فرانك حسيته يطول معي
ثاني شي اخذته هو ٍRo's argan body conditioner
يعتبر كبلسم تستعملينه بعد ما تخلصين الشور على بشره رطبه تحطينه على كل جسمك و بعدها تبللين جسمك بس بدون ما تمسحين جسمك عشان مايروح المنتج
تجربتي صراحه اكثر شي عجبني من الي اخذتهم ! مرا حبيته صدق احس ان جسمي مترطب و مرا حلو لو كنتي على السريع او مستعجله و احساسه بعد سكرب احلى و احلى ترطيبه حلو و يبقى لكن بسبب ان بشرتي بزياده جافه احسني اضطر اني احط برضو كريم ساعات
اخر شي اخذته هو ماسك Mask of magnanimity
هذا الماسك مناسب للبشرات المختلطه للدهنيه بحيث ان مايجفف لك البشره بسبب وجود العسل فيه
و يساعد على منح البشره شكل منتعش اكثر نظيف و صحي و حسيت برضو وجهي يبين افتح
حبيته كماسك اسبوعي و سريع انك تسوينه مايحتاج تحطين معاه مويه او مويه ورد ...
تحطيته على وجهك و تخلينه ١٠-٢٠ دقيقه لين يجف لكن مايجفف وجهك لدرجه ماتقدرين تتكلمين بالعكس اقدر احكي بكل راحه
حلو و حبيته بس ماحسني برجع اشتريه ؟ بجرب شي غيره .
و بس هذه كانت تدوينه اليوم ان شاء الله تكون عجبتكم و استفدتو منها
لا تنسون تشتركون بالمدونه لمعرفه اخر التحديثات
Bye Bye
0 التعليقات