Forever21 Riyadh opening haul !!
السبت, ديسمبر 13, 2014Forever21 Riyadh opening Haul
السلام عليكم
اليوم البوست مرا متحمسه عليه !!
تقريبا من فتره فورايفر21 كانو بيفتحون عندنا و الخميس الي راح كان الافتتاح الرسمي حقهم
فاكيد بروح الافتتاح لان تقريبا كل دولابي من المحل كنت اطلب منه اون لاين او اذا رحت الخبر !!
فاكيد كنت مستانسه انه فتح عندنا
للامانه كنت متحمسه اصور لكم من جوا و المحل بس كان مرا زحممممههه زين الي حاسبت بس !!
نبدا بالملابس !!
ماشريت اشياء شتويه لاني طلبت من موقعهم قبل فتره
اول شي الفستان هذا !!! مرا مرا حبيته احسس مرا كيوت و كذا ماقدرت اقاومه
شريت هذي الكروب توب معليش طالعه معفسه بس خليتهم بالاكياس عشان اصورهم
حبيته الهدب الي طايح منها و تعتبر شي بايسك و عندي فقر من هذي الاشياء عشان كذا اخذتها
هذي القطعه الشتويه الوحيده الي شريتها
مرا حبيتها فكرت انسقها مع تنوره و اطلع من الشي التقليدي اني البسها مع جينز
اخر شي هي هذي التنوره لي فتره خاطري بوحده يا مالاقي سايز او تكون مرررا قصيرره
و انا خاطري يكون هذا الطول لها هي على حد الركبه تقريبا حبيتها للشتى فكرت انسق معها سويتر الي بصوره الي قبل
نجي للاكسسوارات الشي الي حبيته بالمحل انه وااسسع مرا يعني في سكشن للبايسك و مدخل للبجايم و ملابس داخليه
ومعاهم سكشن للاكسسوارات بعد و المكااان متسسع يعني
اخذت هذي الاساوره تقريبا بالفتره الاخيره صايره احب الكاندي ارم ستايل الي هي اربع خمس اساور تكون صغيره
و مجمعه مع بعض طبعا مع الحماس شريت منها قطعتين
الكاشير كان لاين طوووويلللللل و يوم جيت احاسب قالي مافي الا كاش ! بغيت اموت قلت له خذ اغراضي اصرف وارجع احساب =))
حبيت هذا الخاتم كذا صغير و بيسك
احب مرا هذا الستايل من الحلقان فاخذت هذا لانهم 3 مع بعض و حسيت جودته حلوه
مررا احب هذي الخواتم الي تجيك مع بعض قبل فتره اخذت لي من اتش اند ام
بس مانتبهت و اخذت MED\LAR بدال SML\MED
بس هذا تاكدت من السايز عشان مانكب بعدين
اخر شي اخذته هذي الشنطه حبيتها و حبيت حجمها
حلوه احط فيلها الميك اب و الفرش الي عندي اصغر و مربعه اكثر
اعطونا هذي الهيد فونز كهديه
وبس هذا كان كل البوست ان شاء الله يعجبكم ماشريت اشياء كثيره يعني عشان الزحمه
ادري تصوير الملابس مو مره بس ماعرفت وين اعرضها بس ان شاء الله كل شي و له حل
باي
0 التعليقات