winter OOTD Ideas
الثلاثاء, ديسمبر 09, 2014Winter OOTD Ideas
السلام عليكم بعد طول غياب
كيفكم من زمان ماكتبت تدوينه احس :(
اليوم بنزل بوست عن الفاشن
تنسيقات شتويه سويت ثنين يعتبرون على افخم و اثنين على الكاجول
اعذروني على التصوير القطع احس ممكن تكون احلى بس هذا الي قدرت عليه الحين
لاكن ان شاء ادور طريقه ثانيه انزل فيها
يلا بسم الله
اول تنسيق
حبيت هذا التنسيق يكون اليقنت و مريح و ماتتعبين في تنسيقه
اول قطعه الي هي الكوت الاسود و فيله ازرار بالذهبي احس يعطيك لوك اليقنت اكثر
بعدها حطيت معاه هذا الجينز عشان مايكون اللوك بزياده رسمي الجينز قصته ماسك
و يكون على السكيني مرا احب هذا الجينز له معي تقربيا ولا 4-5 سنوات و لا خرب الحمدلله من
زارا مرا انصح بالجينزات حقتهم
بعدها نجي لهذا الكعب الجميل طبعا معروف عني اني اموتت عند شي اسمه كعب شوز فلات (وانتو بكرامه)
عندي حب تجميع لها و لي حوالي ال6 شهور و زياده ماشريت فاحس ودي اكافى نفسي بكعب جديد :$
الزبده الكعب جاي على البني و فيله تطعيم بالعنابي مرا حلو و يعطي اللوك شوي حركه احس
نجي للاكسسوارات
الحلق خليته طويل شوي عشان مارح يكون في سلسال فرح يفخم اللبس احس
و للاسواره اخذت ذهبيه كلها
احس الاكسسوارات مرا تغير في اللبس بشكل كبير الي ممكن تحولين شي سمبل لشي حلو من بس الاكسسوارات
مهما كانت اذا جولري او سكارف قبعه ايت كان بس على حسب كيف تتحكمين فيها
الكوت \ newlook
الجينز \ zara
الكعب \ بارفوا ماني متاكده من السبيلنق بالانقليش
الاسواره \ forever21
الحلق\ Aldo
نجي للوك الثاني
هذا اللوك احسه على افخم اكثر ينفع للمناسبات اكثر احس
حطيت الكوت و تحته بلوزه فيلها حركه من عند الصدر مدري اذا واضحه او لا
و حطيت الاكسسوارات ذهبي نفس الشي ماحطيت عقد لان مسكره البلوزه للاخر
فاستبدلته بحلق كبير شوي خاتم و اسواره ناعمه
بعدها عشان يكون اللوك على رسمي اكثر
حطيت معاه هذا البانتس اسود
ختمت اللبس بكعب ذهبي ماحبيت اخليه على الهادي بس ممكن انك تحطين بداله لحمي او اسود ممكن
الكوت\ zara
البلوزه \ centerpoint
البانتس\ zara
الكعب \ bershka
الحلق\ بارفوا
الخاتم \ iconic
الاسواره \ alix and ani شريتها من بوتيك بالانستقرام Monica_Vinder@ شيكو علي بالانستقرام حاطه صوره لها اوضح للاسواره
التنسيق الثالث حبيت يكون الي كانك ماتعبتي نفسك لاكن بنفس الوقت طالع اللبس حلو
حطيت البلوزه هذي مع
ليقنق الحلو فيه انه جلد لاكن مو كله بس من قدام فما يضايق و بنفس الوقت يدفي
حطيت معاه بوب اوف كلور فلات موف هذا الستايل من الفلات مرا دارج هي و السليب اون بعد
الاكسسوارات خليتها ذهبيه و سمبل بنفس الوقت
البلوفر\ H&M
الليقنق\ River island
الفلات\ Emporio Armani
السلسال\ جوسي كتور
الحلق \ forever21
الاساور \ كانت هديه فما اعرف
اخر لوك برضو على الكاجول وتقريبا اكثر تنسيق حبيته
اول شي اخذت البلوفر هذا و الحلو فيه التفاصيل الي تجي على الكتف و ان جزء من الكتف طالع
بعدها هذا الجينز هاي ويست بما ان البلوزه على الكروب اكثر و شتى عشان البرد
الجينز سفطته من تحت فيعطيها تفصيل حلو بدون ما تتعبين نفسك
و اخيرا السليب اون فلات الي مرا صايره البسه كثير هذي الفتره لان شكله كذا
فاحسه يحلي اي لوك و يعطيه ستايل اكثر
للاكسسوارات لان كم طويل فما تبان الاسواره فاكتفيت بسلسال و خواتم
و توني و انا اكتب استوعبت اني ماحطيت حلق بس كحلق اي شي سمبل بيكون حلو احس
البلوفر \ forever21
الجينز \ koton
السلسال \ forever21
الخواتم \ تجيك مجموعه H&M
وبس هذي كانت كل التنسيقات الي حبيتها للشتى
ان شاء الله تكونون استمعتو بالتنسيقات ممكن اسوي تنسيقات ثانيه اذا حابين اكتبو لي كومنت او الانستقرام حقي
iRahaf_alg@
0 التعليقات