November Favorites
الخميس, ديسمبر 04, 2014November Favorites
السلام عليكم
اليوم رح انزل عن مفضلاتي لشهر نوفمبر ان شاء الله
الي يضحك انه كلهم الوانهم اسود طبعا ماستوعبت الا بعدين
الزبده يلا نبدا
اول مفضل عندي هو
الكونتور كت حق انستازيا بفرلي هيلز !!
جد جد وااو و احسها مهمه لكل بنت لوعلى بدايتها بالميك اب و للي دايم تسافر مرا تساعد
فيلها 3 الوان كنتور 2 على اورنج للبرونز و واحد على شويه رمادي للكونتور
بعدها عندك البنانا باودير حقتها تنفع لبعد الكونسلير و احلى مافيها عندك اضاءتين واحده على شيمر و الثانيه على مات
انا عن نفسي من صرت استخدمها ماعاد تركتها سهلت علي اشياء واجد و احب استعملها اذا
كنت مستعجله تختصر علي وقت في اني اطلع الاغراض و كذا عن نفسي مرا انصح فيها
و الحلو لو لون خلص منك تقدرين تطلبينه لحاله و تشيلين القديم و تستبدلينه و عندها الوان اذا حابه تسوين
لك الباليت الخاص فيك و بدرجات كثيره
نجي للمفضله الثانيه الي هي ايشدو من سماش بوكس عن نفسي مرا مرا احبها
للامانه اكثر شي استعمل الوان المات و قليل استعمل الشيمر
لاحضت ان الوان الغوامق من الشيمر تتناثر ابي اجرب قبلها الفكس بلس عليها و بعدها احكم
اذا ستل تتناثر او لا بس بالطبيعي مرا احبها
نجي لباليت البلشر من الف !
امانه للسعر الي دفعته فيها !!! احسه شوي على قد ايش هي مرا حلوه و بيقمنت !!!
الوانها مرا حلوه البلشرات عموما من الف مرا حبيتها و عندهم تشكيله الوان حلوه
اخترت هذي الباليت لان هي الي احسها اكثر شي تنفع للخريف والشتى مرا انصح فيها صراحه
عموما انا الفتره الاخيره مرا صايره احب الف يعني
منتج ثاني من الف اذهلنييييي !!!!
اوكي اول شي هذي مسحات ماهي حقت ميك اب قد استعملت حق الميك اب حقتهم مرا حلوه
اما هذي المسحات اذا كان بشرتك جافه مرا حلوه و خصوصا للشتى
مجرد ما تغسلين وجهك استبدلي كريم الوجهه فيها و مسحيها على وجهك صدقني فيلها منتج كثيرر على المسحه
الوحده اتحسف على الكامله احس ساعات ودي اقصها نص و بعدها وجهك تحسينه يللللممممعععععععع بس اصبري 10 دقايق ؟
اللمعه هذي كلها تختفي و وجهك يصير مشرق و كذا فيله نظاره انا لي فتره استعملها و صايره ماروح لكريم الوجهه حقي زي اول
نجي للحواجب
طبعا انا انسانه مهوسه حواجب بشكل ؟
اي منتج اجربه او اشتريه للحواجب لازم يكون مايروح بالمويه و مو احطه ساعه يختفي او لو لمسته يخرب وجهي
عن نفسي المنتج الوحيد الي بعد ماك استعملته هو انستازيا !!! عن نفسي مرا حابه الماركه هذي
جل الحواجب كل يوم استعمله كل يوم و كم صارلي شاريته ؟؟ شهر و شي مدري شهرين بس هذا الي استعملته
ولا جف معي ولا حتى الي بدى يجف للحين نفس ماهو كنه جديد
لو ماك الحين رايح منه كميه اكبر و تقريبا يبدى الجل حقه شششوووووييي مرا يجف معي
و القلم ححقهاااا ؟ وااو صدق واااو لما ارسم فيه حواجبي تبين طبيعيه مرا احبه بس يخلص بسرعه انا حقي اتوقع خلص
وشكلي بطلب لي منه اثنين المره الجايه
عن نفسي منتجين مرا حلوين
هايلايت الف مرا حلو و يشبه ماري لو منايزير بس الفرق ان هذا اقل سعر و باودير اكثر
و ماري يجيك عل كريمي اكثر و اغلى سعر كلهم
هذا حلو و بيقمنت و حلو لاستعمال يومي احس
الروجين الي انا ميته عندهم لي فتره
روج سيفوره 04 اشييي خوررافه اللون حلو يطول معك مات و لا يجفف شفايفك و يبقى معك وقت
بدون ما يروح حتى و انتي تاكلين
ثاني شي ليب لاينر من الف درجته Raisin درجاتهم على نفس النمط احس و الحلو احسهم حلوين على اغلب
المناسبات دايم استخدمهم الفتره الاخيره
نجي اخر شي للفرش
اول فرشه E40 من سيقما مرا حلوه هي حقت دمج احبها لانها هي الوحيده الي ماقدر استغني
عنها لما احط ايشدو و استعملها اذا كنت بس ادمج لون بعضمه الجفن و خلاص يكمل اللوك عندي احس
الفرشه الثانيه من الف flawless concealer استخدمها للبودر كنتور استعمل درجه انستازيا الي تجيك على رمادي شوي
و بعدها بفرشه ثانيه للبرونز مرا حلو للكنتور لانها صغيره و تقدرين تحططين فيها العضمه
و الاخيره E65 من سيقما برضوا بالبدايه حسيتها ناعمه للحواجب لاككن بعد ماخربت الماك حقتي صرت اظطر استعملها
و تمرست فيها و صرت احبها للحواجب و برضو احب استعملها للايلانير تسهل لي مرا اكثر من الي تكون زي الخط الدقيق اقدر اتحكم في هذي اكثر
و بس هذي كانت كل مفضلاتي لشهر نوفمبر شاء الله يكون شهر ديسمبر احلى و نكمل للسنه 2015 ان شاء الله
ان شاء الله تكونون استمتعتو ان شاء الله تدوينتي الجايه بتكون عن فاشن
0 التعليقات