مقارنه بين مزيل المكياج بايوديرما و قارنيه
السلام عليكم بنات اخباركم ! مرا من زمان عن التدوين قعدت شهر كامل مانزلت ايت تدوينه اشتقت ♥️
تدوينه اليوم بتكون مقارنه بين منتجين مزيل المكياج من بايوديرما الغني عن التعريف
و مزيل المكياج الجديد من قارنيه كثير قارنوهم ببعض لان ثنينهم نفس التركيبه او نقول نفس الفكره
بحكي عن كل منتج بالتفصيل و بالنهايه رح اقولكم عن رايي النهائي
يلا نبدا ♥️
اول شي مزيل المكياج من بايوردما
تركيبته كانها مويه ابد مايحرق عيونك
يشيل المكياج الخفيف و الثقيل بسرعه و بنسبه تقريبا ٨٥٪
مايخلي اثر دبق على بشرتي
يناسب جميع البشرات
بايوريدما شركه طبيه تعتبر
سعره يعتبر غالي من ٨٠-١١٩ يمكن ؟
مزيل المكياج من قارنيه نفس فكره بايوديرما
تركيبته كانها مويه ماحسيته حرق عيني بس سمعت ان بعض ناس حرق بنسبه بسيطه (يعتمد على الشخص نقدر نقول)
من ناحيه الازاله حسيته يزيل فقط المكياج الخفيف ابدا ماعتمده للمكياج الثقيل جربته كم مرا ولا راح مكياجي زين صراحه
يشيل ٦٠٪ نقدر نقول لانه مايشيل المكياج الثقيل
برضو ماحسيته يدبق علي
ماعندي خلفيه اذا يناسب جميع البشرات لان الشركه تجميليه و ماهي طبيه
بالنسبه للسعر ! مرا مرا مرا رخيييصصصصصصص شريته يمكن ٢٨ شي زي كذا ماذكر كم بالظبط
اماكن الشراء بما ان الكل يسال
اخذته من بنده بس اتوقع ينباع في السوبرماركتس الكبيره
ماني متاكده اذا ممكن تلاقينه بالصيدليات الكبيره و مالقيته بصيدليه الدواء
اللحين بالنسبه لرآي عنهم ثنينهم ؟
كلهم حلوين لغرض مختلف صراحه
يعني سبب شرائي قارنيه بغض النظر عشان اقارن بينهم كنت ابي شي ممكن يشيل مكياجي اليومي الخفيف بسعر رخيص
لان بايودرما غالي يعتبر و بيخلص علي بسرعه
اما عن بايودرما فصراحه مرا انصح فيه الشركه طبيه يشيل كل مكياجك مهما كان و احسه ينظف بعمق اكثر من حق قارنيه
بس لاني اغسل وجهي بفرشه اولاي Xpro احس عادي لو استعمل حق قارنيه
فرشه اولاي تكلمت عنها في المدونه
وبس هذا كان كل شي لتدوينه اليوم ان شاء الله تكونون استفدتو منها
انظمامك لمدونتي يفرحني ♥️
و لو كنتي مجربتهم الاثنين او احد فيهم اكتبي بالكومنت عن رايك عشان الكل يستفيد
